Norðlýsið var vitandi um at Helena skal nýtast til savn og tí vendu vit okkum til Hanus Hansen, stjóra á JFK at frætta nærri og hann váttaði okkara varhuga.

Sjónvarpið royndi at gera eina gølu burturúr at línuskipini hava fingið eina lítla makrelkvotu. Persónliga haldi eg at hesin makrelurin til línuskipini hevur verið kærkomin og hetta hevur styrkt feløgini og ikki minst hava manningarnar fingið meira burturúr, tí feløgini hava fingið makrel, sigur Hanus Hansen. 

Av 21 línuskipum sum hava fingið makrel eru vit partur av 6 línuskipum: Klakkur, Jákup B, Núpur, Kvikk, Pison og Carlton (gamli Jákup B). Hesi seks línuskipini hava fingið makrel og ikki Helena, sigur Hanus

Í okkara føri hava Borgarin og Norðoyingur fiska makrelin og línuskipini hava fingið 60% av veiðivirðinum og nótaskipini hava fingið 40% av veiðivirðinum og hetta er so aftur avroknað til manningarnar bæði á línuskipinunum og nótaskipunum, upplýsir Hanus. 

Fyri línuskipini hevur hetta haft sera stóran týdning og serliga ísfiskalínuskipini, har daglønin ikki er serliga høg. Hetta hevur verið ein kærkomin eyka hýra og í míni verð ein sonn sólskinssøga, sigur Hanus Hansen við Norðlýsið at enda.