Lýsing
Mynd: dbu.dk

Danmark-Føroyar í oktober

SKRIVAÐ: Jákup Ósá  |  03.07.2020 - 11:54 Ítrottur Tíðindi

Áhugaverd uppgerð í heyst.

FSF skrivar soleiðis: Umframt teir seks UEFA Nations League dystirnar, skal A-landsliðið við monnum eisini spæla tveir venjingardystir í heyst. 7. oktober móti Danmark, og 11. november móti Litava

 

Mikudagin 7. oktober verður MCH Arena í Herning karmur um venjingardyst millum Danmark og Føroyar. Talan er um A-landsliðið við monnum, sum í heyst ætlandi skal spæla tveir venjingardystir, umframt teir seks dystirnar í UEFA Nations League.

Upprunaliga skuldi venjingardysturin móti dønum verðið spældur í mars mánað, men koronafarsóttin vildi tað øðrvísi, og dysturin bleiv útsettur. Nýtt dato er nú funnið, og sostatt verður ársins fyrsti landsdystur hjá monnum, og fyrsti dystur við Håkan Ericson sum føroyskum landsliðsvenjara, ímóti Danmark.

Í januar mánað segði Håkan Ericson soleiðis við heimasíðuna hjá FSF:

– Eg gleði meg at koma í gongd sum føroyskur landsliðsvenjari, og eg síggi við stórum spenningi fram ímóti hesum dystinum. Sum svenskari er tað altíð nakað serligt at møta Danmark, og tað er ikki minni serligt fyri føroyingar og Føroyar.

Hvussu verður við áskoðarum til dystin millum Danmark og Føroyar er ógreitt í løtuni, men kunnað verður um hetta skjótast tilber. Á MCH Arena er pláss fyri umleið 10.000 áskoðarum.

Seinni venjingardysturin í ár hjá A-landsliðnum við monnum verður á útivølli móti Litava mikudagin 11. november.

Venjingardystirnir hava samstundis við sær, at smávegis broytingar verða í skránni fyri UEFA Nations League, har Føroyar eru í bólki saman við Lettlandi, Andorra og Malta.

Skráin
3. sept. Føroyar – Malta
6. sept. Andorra – Føroyar
7. okt. Danmark – Føroyar (venjingardystur)
10. okt. Føroyar – Lettland
13. okt. Føroyar – Andorra
11. nov. Litava – Føroyar (venjingardystur
14. nov. Lettland – Føroyar
17. nov. Malta – Føroyar

Lýsing
Seinastu tíðindini
Slovan Bratislava spardi allar útileikar…
Yvirlýsing: Fakfelags­ráðið stuðlar flogs…
Føroya Sunnasta 1/­2marathon eisini avlýs…
Stór viðurkenning til Kára á Høvdanum
Aftursvar til Tjóðveldi
Bleytu virðini fara oftast út um játtani…
Hvar er langtíðarætlanin?
State of the Land – nýtt videolag
Svimji­høllin letur varisliga uppaftur
Eitt bakbit av teimum grovu
Stórarbeiði á Biskupstøð!
Tilboð og tænastur í Almanna­verki­num av…
Seinasta vaktin hjá tónleika legendu: Ge…
Rullandi kontry í Klaksvík
Skýmingatúrur um Klakkin á Háskúlan og V…
Grindir­nar ymiska ferð
Norskur dómari til Champions League í Kl…
KVF viðger sending­ina ''Fótbóltsprát''
Einmælt samtykt
Heilsumála­ráð­har­rin: Ómenniskjaligt at f…