Næstan stilli á Tórsvølli í dag
Mátistøðin hjá Vørn sigur frá 5 m/s út útsynningi í Havn á middegi. Hitin liggur um 12 stig. Hetta er luft sum kemur úr einum hátrýsti yvir Atlantshavinum - einar 1000 fjórðingar sunnan fyri Føroyar.
Luftin er slavin (full í vætu), tí er ikki klárt. Tó er ymiskt kring landið, hvussu óklárt tað er. Sum næstan altíð.
Tað er sjáldan klárt á útsynningi í Havn. Tað er tað heldur ikki í morgun. Ein KÍ-fjeppari (undercover) í høvðustaðnum tók nakrar myndir av Tórsvølli fyri Norðlýsið á middegi.
Men sólin er sterkt hesa árstíð. Hon fer helst at bróta ígjøgnum næstu tímarnar, so at tað er eitt sindur klárari, tá ið dysturin byrjar.
Veðrið meðan dystur er, fer at vera nokkso líkt veðrinum í løtuni (klokkan 12). Eitt lítið lot úr útsynningi ella útsynningi-suðuri - tað fer neyvan at merkjast yvirhøvur við Tórsvøll.
Turt allan dystin. So er tað tað, hvussu klárt tað verður. Ringt at siga, men brýtur sólin væl ígjøgnum, so verður veðrið ordiliga gott. Livst so spyrt.
Hitin fer at liggja um 12 til 14 stig.
Góðan dyst - og koyr á KÍ.