Lýsing
Lýsing
Henda myndin er tikin 1. februar 2019. Tá ið lá kavin í einar 10 dagar. Viðurskiftini í lufthavinum vóru lík viðurskiftinum, sum hava verið í 10 dagar og sum fara at vera alla vikuna, sum kemur. | Mynd: Undirritaði

Veðrið í vikuni, sum kemur

SKRIVAÐ: Hanus Kjølbro  |  31.01.2021 - 18:25 Tíðindi Veðrið

Tað skuldi skifta í dag til lýggjari luft sunnaneftir, men so varð ikki. Eitt hátrýst er nakað langt norðan fyri Føroyar, tað fer at liggja næstan í stað komandi vikuna og fer at senda kalda luft ímóti okkum.

Ein munur er tó, og tað er, at luftin fer at stava úr Norðurnorra – ístaðin fyri ta luftina, sum í seinastuni er komin úr Eysturgrønlandi.

Ættin fer at liggja av norði í dag afturat, men í nátt dettur hon niður ímóti landnyrðingi ella landnyrðingi-eystri, og har verður hon verandi restina av vikuni.

Fyri tað mesta lítil vindur í vikuni, sum kemur, um 5 til 10 m/s flestu dagarnar – tó undantikið týsdagin, tá er eitt sindur meira vindur, 10 til 15 m/s.

Tá ið høgætt er undan einum hátrýti norðan fyri okkum, er loftið vanliga klárt. Soleiðis fer eisini at vera í vikuni, sum kemur. Eingi ella fá høg ella miðalhøg skýggj. Lokalt fara nøkur lág skýggj at síggjast kring høg ella miðalhøg fjøll. Har kann eisini kava viðhvørt.

Hitalagið (dagshitin) fer at kvinka seg eitt lítið sindur upp, av frostmarkinum upp í 2-4 stig. Um náttina nøkur stig kaldari, serliga har tað er stjørnuklárt.

Lýsing
Seinastu tíðindini
Páll A. Klettskarð elskar stóru dystirna…
Afturvend­andi avbjóðingar­nar mugu loysas…
Flogbóltur: U 17 liðini til EM-kapping í…
Myndir frá KÍ - B36
Video: Tá føroyameistaraheitið hjá KÍ bl…
KÍ kvinnur­nar Føroyameistarar 2021
Klaksvík – eitt portur til Evropa
KÍ-kvinnur­nar fáa FM-steypið í dag
Upptakt: KÍ-B36
KÍ vann seinast, men vanliga stendur B36…
Unglingar settu eld á rúsur
Mánakøka (Kina)
HB spælt uttan lógligan venjara – sleppu…
MEGD 40 ár
Vit mugu verja Bústaðir
Stutt Flutt Føroysk Framleiðsla  
Bob Sumareh er toppskjútti í topp 5 dyst…
Veðrið um vikuskiftið
Vit síggjast við Djúpumýru
Norðlýsið á gøtuni