Lýsing
Lýsing
Lýsing
Myndin tikin beint fyri sólsetur 22. mai í ár. Tann dagin sást sólin frá klokkan 04.12 til klokkan 22.35 - t.e. í 18 tímar og 22 minuttir. | Mynd: Hilda Sjúrðardóttir

Longsti dagur

SKRIVAÐ: Hanus Kjølbro  |  21.06.2022 - 09:45 Tíðindi Veðrið

Í dag reis sólin klokkan klokkan 03.32, og hon setur klokkan 23.24 - dagurin er 19 tímar og 52 minuttir til longdar.

Hetta er longsti dagurin í ár.

Líka síðan stytsta dag í fjør, sum var 21. desember, er dagurin longdur eitt sindur hvønn dag. Lítið og einki teir fyrstu dagarnar og vikurnar, bert nøkur sekund hvønn dag, men so kom ferð á. Um várjavndøgur, 20 mars, tá ið dagur og nátt vóru líka long, longdist dagurin skjótast. Síðan tá hevur dagurin verið longri enn náttin. Teir seinastu dagarnar og vikurnar eru bert sekund løgst afturat hvønn dag. 

Nú fer at ganga hinvegin aftur. Dagurin fer at styttast; náttin verður longri. 23. september, tá er heystjavndøgur, eru tey aftur líka long. Stytsti dagur í ár er 21. december, líka sum í fjør. 

Í morgun, tá ið sólin reis, kom hon undan í landyrðingi norði - í 28 stig rættvísandi. Tá ið hon setur seint í kvøld, er tað í útnyrðingi norði - í 332 stig rættvísandi. 

At sólin rísur í eystri og setur vestri er sjálvandi rætt, men ikki um ein tekur tað heilt bókstaviliga. Tá ið undirritaði gekk til skipsførara fyrst í 90unum, segði lærarin, vit høvdu í siglingarlæru, Hilmar Kass, at I østen stiger solen op passar bara tvær ferðir um árið. Mest sum í skemti, men ein setningur, sum var lættur at minnast, og sum gjørdi, at vit skiltu alt eitt sindur betur.

Sólin rísur í (næstan) beinum eystri og setur í (næstan) beinum vestri á várjavndøgri og heystjavndøgri.

Lýsing
Seinastu tíðindini
Minningarorð um Álvur Zachariassen
Ferðatrupulleikar hjá KÍ síggjast aftur…
Løgmaður sent Mette Frederiksen samkensl…
Man kann ikki bæði blása og hava mjøl í…
Fesk hýsa og toskur at fáa í Neystinum
Varðin og Palli hjá Mariannu: Fjórðingsm…
Myndarøð: Góðveður í Bodø
Filmur frá Voxbotn 2022
Myndarøð: KÍ-hópurin er komin uppá pláss…
Á Floksmannadegi - fuglar og náttúra
Kári skal menna nýggjar dómarar
Stórur vøkstur í persónsskatti­num í juni
Føroyaleikir: Oddvør er skjótast
- Vit mugu toppa fyri at hava ein møgule…
Akstovan eigur ikki at flyta úr Klaksvík
Akstovan eigur ikki at flyta úr Klaksvík
Tørvur á politiskum loysnum og einum hjá…
Hug at læra at gera film?
Landsliðið til NM
Klaksvíksdamur vunnu á havnardamum