Okkurt er galið við skrúvuni ella gearinum hjá Erlukongsdóttur, og kann hon tí ikki sigla við meira enn 6 míla ferð. Vónandi verður hetta greitt um vikuskiftið, har onkur serkønur skal koma at hyggja at feilinum.

Elinery, sum bert tekur 12 fólk, siglur pendulfar millum Nólsoynna og Havnina.

Ternan hevur siglt farmatúrar út í Kalsoynna - ein verður sigldur aftur at kl. 13, síðani Erlakongsdóttir aftur kl. 14 og annars eftir ferðaætlanini – tó við lítlari ferð.

Vónandi kemur alt í rætt lag um vikuskiftið, verður sagt av SSL.

Minnir um gamlar dagar at síggja Ternuna her. Men hon legði ikki so kvigliga og ræðu at í dag, sum hon gjørdi fyrr, tá ið hon hoyrdi heima her.

Ternan ger aftur farmatúrar út í Kalsoynna komandi týsdagin.

Væl afturkomin fyri eina stund!