![](/upload/cache/images/326401-326600/b1f4ac09a234dbf0e61e4bd505f46d3444d5d986_w1152_h0_fS.png)
Biden leggur kongin
Amerikanski forsetin Joe Biden hevur tikið seg úr forsetavalinum og vísur á Kamalu Harris í staðin
Tað sum átti at staðið øllum greitt fyri tíð síðan er nú veruleiki. Joe Biden verður ikki á atkvøðuseðlanum í november tá amerikanarar skulu velja teirra forseta.
Norðlýsið skrivaði tann 28. juni í ár, at Joe Biden var besta kortið hjá Republikanarunum at vinna forsetavalið. Eftir at hava sæð hólmgonguna millum Biden og Trump stóð øllum greitt at Biden ikki er kognitivt førur fyri at stjórna Amerika.
Men henda møguleika hevur Donald Trump so ikki longur.
Biden fekk staðfest Covid-19 mikudagin, hetta eftir at hann hevði verið frammi í fleiri sjónvarps-samrøðum og veljarafundum og sagt, at hann fór at halda fram við sínum kanditaturi. Men hansara royndir at sissa kritiska baklandi hjá Demokratunum vóru til fánýtis, tær gjørdu bara støðuna verri.
Í dag hevur Joe Biden kasta handklæði í ringin og vísur heldur á Kamalu Harris sum forsetavalevni. Demokratiska konventi verður hildið í august og tá velja Demokratar sítt forsetavalevni.
Donald Trump og Joe Biden í hólmgongu tann 27. juni í ár. Getty Images