Vit frøðast øll um tær útbyggingar sum kommunan hevur gjørt seinni árini. Tað sæst tíðuliga at býurin mennist og tekur skap sum miðdepilin í Norðoyggjum og økinum eystan Gøtueið.

Í verðandi kommunubygnaði er tað dýrt at verða leiðandi staðurin. Tað eru fleiri íløgur (og útreiðslur) har ið hinar smærru kommunurnar spæla ávíst fríspæl, men tað eru treytirnar sum støðan er.

Vit hava uml. 250mió. í inntøkum at gera gott við. Og stóri parturin er bundin í lógarbundin vælferðarøki, sum eldrarøkt, skúla og barnaansing. Restin er til rakstur, rentur og til síðst til íløgur í nýggj projektir.

Og har er onki at gera gott við, tí vit skylda longu sum er í meira lagi enn loyvt er. Har er ongin luft, og tað er bara ikki gott nokk í allar bestu tíðum. Er tað nakað sum er ein sannleiki, so er tað at grafirnar á rokniarkinum fáa ein knekk skjótari enn at vit rokanaðu við. Trøðini vaksa ikki helit har upp sum vit ætlaðu.

Vit mugu tora at hyggja uppá bygna og rakstur um tað er neyðugt. Vit mugu fáa luft undir og upp til skuldarloftið sum er álagt kommununum. Niðurgangstíðir koma og tá má kommunan at hava eitt eitt ávíst rásarúm at seta arbeiðsskapndi ætlanir í gongd.

Hvørt skattaprosenti er vert uml. 12,5mió. kr. í inntøku hjá kommununi. Eg eri ikki við uppá at hæðka skattin. Men er tað til eitt ávíst øki, sum til dømis eitt nýtt ellisheim, ella okkurt átroknadi á vælferðarøkinum, eri eg villigur til at hyggja uppá tað um tað er galdandi í eitt avmarkað tíðarskeið. Alt annað mugu vit klára innanfyri verandi inntøkur og karmar.

Tað er har eg eri.

Frímund Hansen