"Vit eru sannførdir um, at vit kunnu bjóða kappingarførar prísir og samstundis gera tað lætt fyri okkara viðskiftafólk at keypa næsta bilin," sigur Adam Andreasen, stjóri í Føroya Bilasølu.

Fyritøkan hevur í longri tíð verið partur av bilasølu í Hollandi, men fer nú at bjóða sínar tænastur fram í Føroyum.

"Endamálið er at veita eins góða tænastu her í Føroyum, sum vit frammanundan gera uttanlands. Av tí at vit eru partur av bilasøluni í Hollandi, so er eitt millumlið skorið burtur í tilgongdini at keypa nýggjan bil. Harvið er tryggleikin í hásæti, samstundis sum tað er eitt garanti fyri góðsku," leggur Adam afturat.

Á heimasíðuni ber til at finna alskyns nýggjar og brúktar bilar. Bæði persónbilar og vørubilar. BMW, Mercedes-Benz, Audi, Volkswagen, Opel, Toyota, ein klassiskan reyðan Ferrari – ja, enntá ein Tesla Cybertruck kann man fáa fatur á.

"Tað, sum sæst á heimasíðuni, er bert ein brotpartur av øllum bilunum, sum vit hava atgongd til. Av tí at vit eru partur av hollendsku bilasøluni, so hava vit atgongd til bilar í túsundatali hvørja viku," sigur stjórin í nýggju fyritøkuni at enda.

Føroya Bilasøla

Telefon +298 295 295

www.føroyabilasøla.fo