Um nakrar tímar gongur hann vesturum til útsynning, men enn sami vindur og samdrigið og regn.

Í kvøld fer hann at minka vindin, og sum frá líður er hann komin niður í 10 til 15 m/s. Loftið verður eitt sindur mildari at síggja: smáskýggjað og okkurt ælið.

Hitin í dag er ímillum 5 til 10 stig.

Í morgin fyrrapartin fer vindurin aftur at veksa útsynningi, og út á seinnapartin eru 13 til 18 m/s, saman við skiftandi skýlofti og ælaveðri. Um kvøldið minni vindur, 8 til 13 m/s.

Hitin í morgin 5 til 9 stig.

Sunnudagin gongur hann eysturumaftur til landsynning og veksur vindin upp í 15 til 20 m/s, í støðum upp í storm 23 m/s. Loftið er samdrigið, og tað regnar.

Sum frálíður minkar hann vindin niður í 10 til 15 m/s, men í støðum enn upp í skrið, 18 m/s, skiftandi skýloft og ælaveður.

Hitin 5 til 9 stig.

Gott vikuskifti.