Til dagsins starvsnevndarval hjá FSF fall Fríðin Ziskason við 17 atkvøðum. Jóannes Prestá við 21 og Róin Schrøter við 19 atkvøðum blivu valdir fyri komandi fýra árini.

Hetta merkir, at fyri fyrstu ferð nakrantíð er eingin klaksvíkingur í forsetasessi, aðalskrivarasessi ella starvsnevndarsessi í FSF. Klaksvíkingar hava søguliga sæð havt lutfalsliga sera nógvar álitissessir í hesum størvum í FSF. Tveir teir fyrstu forsetarnir vóru klaksvíkingar og tveir teir fyrstu aðalskrivararnir vóru klaksvíkingar. Og líka síðani 2002 hevur ein klaksvíkingur verið í starvsnevndini.

Forsetar:

1979-1981: Christian Olsen

1981-2002: Torleif Sigurðsson

Aðalskrivarar:

1995-2009: Ísak Mikladal

2009-2023: Virgar Hvidbro

FSF-starvsnevndarlimir:

2002-2010: Rúni Heinesen

2010-2024: Fríðin Ziskason

Á dagsins aðalfundi bleiv Christian F. Andreasen valdur til forseta fyri komandi fýra árini, meðan Sólrun Hendriksdóttir Sørensen bleiv vald uttan atkvøðugreiðslu, tí viðtøkurnar siga, at til hvørt val skal minst ein av hvørjum kyni veljast.

Sostatt er nýggja starvsnevndin í FSF hendan:

Christian F. Andreasen

Anja Rein

Maria Jóhannusardóttir Joensen

Heri á Rógvi

Jóannes Prestá

Róin Schrøter

Sólrun Hendriksdóttir Sørensen