Yvirhøvur fer hann at liggja av vestri niður í sunnan. Luftin kemur úr Vesturevropa, og hon er lýggj og nokkso turr. ikki so, at ikki okkurt stroyggj verður, men tey vera stutt og ikki drúgv.

Hitalagið fer eitt fitt vet uppeftir, og onkran dag upp í 14 stig. Er ættin góð á staðnum, fer at vera lýtt í fleiri dagar.

Veðrið í vikuni – dag fyri dag:

Mánadagin:

Lot til frískt lot vestan, 3 til 8 m/s, skýggjað og okkurt ælið í støðum. Út á seinnapartin fer ættin niður í útsynning, og vindurin minkar niður í eitt lítið lot, minni enn 5 m/s. Hitin 7 til 12 stig.

Týsdagin:

Lot til frískt lot av útsynningi, 3 til 8 m/s, skýggjað og okkurt ælið í  støðum. Hitin 7 til 11 stig.

Mikudagin:

Lítið lot av útsynningi, minni enn 5 m/s, skiftandi skýloft og turt. Hitin 8 til 13 stig.

Hósdagin:

Lot til frískt lot av útsynningi, 3 til 8 m/s, skiftandi skýloft og okkurt ælið í støðum. Hitin 9 til 14 stig.

Fríggjadagin:

Frískt lot til frískan vind sunnan, 5 til 10 m/s, hálvskýggjað og okkurt ælið í støðum. Um náttina samdrigið og regn. Hitin 8 til 13 stig.