Hátrýstið, sum stendur fyri hesum góða veðrinum, er úr Føroyum og til Grønlands. Tí fer ættin at vera norðan ella landnyrðingur onkra løtu. Yvirhøvur er talan tó um ymsar ættir.

Einki avbrot sæst í veðurkortum fyri vikuna fyrr enn fríggjakvøldið. Tá fer hann at koma lágt, og fer at regna av útsynningi.

Veðrið í vikuni – dag fyri dag:

Mánadagin

Lítið lot av landnyrðingi, minni enn 5 m/s, sum frá líður kemur hann høgt. Allan dagin turt og smáskýggjað, í støðum tó onkur mjørkaflóki. Hitin um dagin 10 til 15 stig, um náttina 6 til 9 stig.

Týsdagin

Lot til frískt lot um norðan, 3 til 8 m/s, turt og smáskýggjað. Hitin um dagin 9 til 14 stig, um náttina 4 til 8 stig.

Mikudagin

Lítið lot av ymsum ættum, minni enn 5 m/s, smá- ella hálvskýggjað og turt. Hitin 6 til 10 stig.

Hósdagin

Lítið lot um sunnan, minni enn 5 m/s, skýggjað ella hálvskýggjað og yvirhøvur turt. Hitin 8 til 12 stig.

Fríggjadagin

Frískt lot til frískan vind sunnan, 5 til 10 m/s, skýggjað ella hálvskýggjað, í støðum mjørki, og sum frá líður regn av útsynningi.