Eitt brúgvalag við regni fer at leggja seg yvir okkum leygardagin. Tað fer at regna í nakrar tímar, og út á kvøldið og um náttina er turt.

Sunnudagin er lágtrýstið farið eysturum, og eftir tað fer køld luft at reka ímóti okkum av útnyrðingi. 

Í dag liggur hann av útsynningi, næstan ikki ein ond. Vindmátarar okkara vísa upp í 3 m/s onkrastaðni. Loftið er skýggjað, í støðum er onkur sólglotti, men eisini okkurt ælmusk í øðrum støðum. Hitin liggur um 10 – 11 stig.

Hetta veðrið heldur fram allan dag. Í kvøld gongur hann niður í sunnan, og tað er so einasta broytingin í veðrinum, sum sæst í dag.

Hann fer at liggja av suðuri í nátt, men fyrrapartin í morgin gongur hann eysturum til landsynning, vindurin fer at veksa upp í 3 til 8 m/s, og skýggini fara so við og við at kennast tyngri. Á middegi er hann farin upp í eystan, vindurin er vaksin upp í 5 til 10 m/s, samdrigið og út á seinnapartin fer at regna.

Vit skulu rokna við regni allan seinnapartin og eitt sindur út á kvøldið.

Um kvøldið slítur í, hann fer niðuraftur í sunnan, og vindurin minkar niður um 5 m/s. Enn samdrigið loft tó ikki to tung og lágthangandi.

Hitin í morgin 7 til 12 stig.

Sunnunáttina melur hann av ymsum ættum við litlum vindi, men út á fyrrapartin sunnudagin gongur hann upp í útnyrðing. Vindurin fer at veksa upp í  5 til 10 m/s, skýggjað loft og okkurt ælið í støðum.

Sunnukvøkdið minkar vindurin niður í 3 til 8 m/s.

Hitin sunnudagin 5 til 10 stig.

Góða norðoyastevnu