Í sambandi við samfelagsmøtini í Badmintonhøllini á Hvítusunnu eru møguleikar at parkera bilin rímiliga tætt við høllina.

Hjá teimum, sum koma aðrastaðni frá til Klaksvíkar, er skjótasta parkeringsplássið at finna eystan fyri hallirnar. Hetta eru parkeringsplássini, sum liggja við Tekniska Skúla (TSK) í Klaksvík.

Tá ið tú kemur koyrandi frá Norðoyatunlinum til rundkoyringina við húkin, vendir tú niðan ímóti Bónus, men vendir síðan til høgru har sum Bónus er til vinstru. Har eru hópin av parkeringsplássum.

Eisini eru parkeringspláss við batmintonhøllina og svimjihøllina, fram við Bøgøtu, og kring skúlan.

Kring fótbóltsvøllin eru eisini parkeringspláss, men millum kl. 08 og kl. 20 leygardagin er hetta økið stongt vegna landsdyst.

Møtini leygardagin eru kl. 16 og kl. 19, og ungdómsmøti er kl. 21:30.