Hóast KÍ kvinnurnar stýru spælinum betur í fyrra hálvleiki, kom onki mál teir fyrstu 45 minuttirnar. Í seinna hálvleiki fekk HB fyrsta málið, tað var Elin Maria Isaksen, sum setti eitt fríspark beinleiðis í netið hjá KÍ. Men síðani stýrdi KÍ meira og meira og fingu samanlagt 4 mál. Málini skutu: Maria Vinjardsdóttir Johansen 1, Eyðvør Klakkstein 2 og Tóra Mohr 1.

Støðan fremst í deildini er nú. Nr. 1 KÍ við 55 stigum, nr. 2 NSÍ við 52 stigum, nr 3 HB við 34 stigum og nr. 4 Víkingur við 31 stigum.