KÍ-NSÍ er umbýttur til NSÍ-KÍ
Liðini eru samd um at býta um dyst fríggjakvøldið.
Fyrr í dag skrivaðu vit, at stórt ivamál er um graslíkið í Klaksvík verður klárt til landskappingardystin fríggjakvøldið. Eisini kom fram, at KÍ hevði spurt NSÍ um at býta um, so dysturin var leiktur í Runavík nú, meðan dysturin í 25. umfari verður í Klaksvík. Og nú hevur NSÍ góðtikið hetta. Sum skilst sigur FSF eisini gott fyri tí, og nú kl. 15.23 er tað eisini staðfest í skránni.
Dysturin NSÍ-KÍ verður í Runavík fríggjakvøldið 28. juni kl. 18.30. Talan er um ein sera týdningarmiklan dyst, tí fimm stig skilja bæði liðini á 3. og 4. plássi. Tí kann KÍ næstan avgera kappingina um 3. pláss ella kann NSÍ veruliga leggja trýst á KÍ, har B36 tá eisini lúrir aftanfyri. Umfarið aftaná møtast júst KÍ-B36 í tí, sum nú væntast at blíva fyrsti dystur á nýggja graslíkinum í Klaksvík.