Løgmaður vitjað vesturi í Vágum
Við jøvnum millumbilum er løgmaður á vitjanum kring landið. Í vár vitjaði løgmaður Suðuroynna, og í gjár gekk leiðin vestur í Vágar. Endamálið við túrinum er hitta fólk í øllum aldursbólkum og hoyra ymiskar áskoðanir um viðurskifti, sum fylla í nærumhvørvinum.
Blíðskapur og góð prát
Dagurin byrjaði við morgunmati saman við borgarstjórunum í oynni. Næst á skrá var virkisvitjan í Vága Floghavn, spurnartími saman við skúlabørnum, ferðavinnuprát í Bø og virkisvitjan á Hiddenfjord. Dagurin endaði saman við búfólki og starvsfólki á ellisheiminum á Sýnini.
Løgmaður takkar fyri stóran blíðskap, áhugaverd kjak og týdningarmikil prát.
Tað hevur týdning fyri meg at koma út í ymisku økini í Føroyum at práta við fólk. Hetta gevur mær møguleika at hoyra um tær góðu søgurnar, møguleikar fyri framman og avbjóðingar, ið fylla hjá fólki, sigur Aksel V. Johannesen, løgmaður