Lýsing
Lýsing
Miðflokkurin inn í Klaksvíkar býráð!
Í dag komu alment út listarnir við nøvninum á teimum, sum stilla upp til Klaksvíkar býráð. Miðflokkurin stillar fyri fyrstu ferð upp í Klaksvík við bert einum persóni á listanum.
Hvør eri eg
Eg eiti Petur Asano, 23 ár. Eg eri uppvaksin í Tokyo í Japan, men havi tikið framhaldsskúlan í Føroyum. Í kommununi havi eg mínar røtur í Svínoy. Har havi eg búð og starvast á rognkelsisstøðini í 3 ár. Eg havi arbeitt við at fáa kommununa at umvæla svimjihylin í Svínoy og tíbetur eru vit næstan komin á mál! Arbeiðið við svimjihylinum hevur vakt mín áhuga fyri kommunal politikk.
Nakað úr valskrá Miðfloksins, sum eg fari at arbeiða fyri:
- Virðing og kærleiki til einstaka menniskjað má setast framum asfalt, betong, skrivstovuveldi og egin áhugamál!
- Veik, óhjálpin, heimleys, sjúk og fátøk verða raðfest og tryggjað, so ongin dettur niðurímillum
- Hjartað verður sett fremst í samskiftinum við borgaran. Kommuna er fyri ØLL og má rúma ØLLUM!
- Ein beinleiðis linja verður sett á stovn, sum tryggjar, at borgarin fær fatur á kommununi og verður hoyrdur- og vegleiddur í ivamálum.
- Barnafrádrátturin hækkar eyka fyri hvørt barnið, fleiri enn tvey.
- Frítíðarkort verða veitt børnum og ungum at brúka til tænastur í kommuni, t.d. svimjihøll, bókasavn, ítrótt, tónleik, skóta v.m.
- Børn, sum bera brek ella hava serligan tørv, hava rætt til serkøna vegleiðing, stuðul og hjálp, frá føðing og so leingi tørvur er á tí.
- Virka verður fyri sosialum íbúðum við leigugjaldi svarandi til inntøku.
- Allar grundleggjandi útbyggingar og tørvir mugu fylgja við vaksandi fólkatalinum.
- Virkishús og ungdómstilboð fyri ung mugu staðsetast í lokaløkjunum.
- Nærdemokratið verður ment við borgarafundum í lokaløkjum.
- Smábygdirnar í kommununi mugu hoyrast og tryggjast.
Veljið lista H!
Petur Asano Miðflokkurin
Seinastu tíðindini