Nýggja parkerings loysn í miðbýnum
Øll skríggja eftir parkeringsplássum í miðbýnum, og her er ein møguleiki at fáa eini 30 parkeringspláss afturat teimum verandi
Ímillum Biskupstorgsbygningin og nýggja Húsarhaldsskúlan, er ein stór veit, sum hvørki er vøkur ella til nakra gleði ella gagns. Vit kunnu ikki kalla hetta eina á, tí hon er tengd av flóð og fjøru, og næstan onki reint vatn rennur í hana og tá terri er, luktar hon sera illa, serliga um summari av kloakk og hartil er meir enn 3 metrar frá vegnum/túninum og niður til miðal vatnstandin, so hon kann ikki njótast, ella vera til gleði fyri nakran, hvørki av vaksnum ella børnum, í løtum kunnu dunnurnar so dánt vera har. Hetta er pínligt. Hetta kann ikki gerast til eina reina á, uttan at gera eina eftirlíkning av Havnará og tað er mikið kostnaðarmikið, eisini í rakstri. Sum hetta liggur, er ómøguligt at skipa eina trygga ferðslu og skili er har eftir.
Nýtt alment parkeringspláss í Miðbýnum
Øll skríggja eftir parkeringsplássum í miðbýnum, og her er ein møguleiki at fáa eini 30 parkeringspláss afturat teimum verandi. Rør løgd í, og veitin bleiv fylt upp og tað bleiv gjørt til eitt vakurt væl skipa parkeringspláss (kanska grønt) Hetta hevði komið væl við hjá øllum tí stóra virkseminum, sum fer fram í økinum, m.a.Biskupstorg, Húsarhaldsskúlin, Nólsoyar Pálsgarðin, Betesda, Róðrarneystið v.m. Sum er, er økið ein stórur ruðuleiki, tí bilar, súkklur, barnavognar og fólk til gongu hvørt um annað eru í døpurhuga, hvussu tey skulu bera seg at, uttan at fáa skaða.
Eisini hevði hetta bøtt munandu um trivnaðin í økinum og skapt enn meiri lív, tá Húsarhaldsskúlin og Biskupstorg blíva bundin meiri atkomulig saman. Bøtt kundi verið um Ósánna á Akursmørk, gjørt hana breiðari og meiri áhugaverda við leikum og benkrum framvið ánna.
Hetta er eitt, sum eg vil arbeiða heilhjartaður fyri, um tit velja meg inn í Klaksvíkar Býráð 12 nov.
Rasmus S. Jacobsen, Tjóðveldi