Páll manglar eitt mál til sítt besta kappingarár
Páll A. Klettskarð sær út til at blíva einsamallur toppskjútti í bestu deildini á fyrsta sinni. Hann manglar eitt mál til, at hetta verður hansara besta ár í málum.
34 ára gamli Páll A. Klettskarð hevur ofta verið toppskjútti hjá KÍ og millum teir, ið hava skorað flest mál í bestu deildini. Men bara einaferð hevur hann verið toppskjútti í deildini, og tá var tað sama við Calyton Soares í 2012. Tá skoraðu teir 22 mál. Hetta er eisini hægsta tal av málum hjá Páll síðani tá fram til nú, tí síðsta umfar skoraði hann mál nummar 22. Sostatt manglar hann eitt mál til at fáa sítt besta kappingarár í málum. Og alt bendur á, at hann hesaferð verður einsamallur toppskjútti á fyrsta sinni, tí sjey mál eru niður til nummar tvey á toppskjúttaralistanum.
Metið fyri mál eitt kappingarár eigur Mikkel Dahl úr HB við 27.