Torbjørn Jacobsen gekk til student í Hoydølum, 1972 – 1975. Hann var mælskur og hoyrdist í krókum saman við Jóannes Hansen, Osmundi Guðjónsson, Bjørn á Heygum, Richard Jacobsen, Jógvan Jespersen, Sámal Ravnsfjall og fleiri, har teir greiddu heimsins trupulleikar.

Síðani fór Torbjørn út at sigla, til hann fór á sjómansskúla, hagani hann tók skipsføraraprógv í 1980, saman við nógvum kendum monnum, so sum Hanus Hansen, Jákup Dion Frederiksen, Dánjal Klakk, Per Simonsen, Jóhan Joensen, Ebba og Virgar Dahl.

Wikipedia

Hyggur tú á Wikipedia, er Tórbjørn Jacobsen føddur 7. oktober 1955 í Ærøskøbing í Danmark. Hann er havnefúti, sjómaður og politikari (T). Sitandi sum borgarstjóri í Runavíkar Kommunu síðani 2016.

Hann er útbúgvin skibsførari frá Føroya Sjómansskúli, og var skipari 1981 – 2000. Hevur m.a siglt nógv í Grønlandi.

Hann hevur verið stjóri og stýrislimur í Kongshavnar Útgerðarfelag og Dagsbrún á Fuglafirði.

Torbjørn hevur nógvar søgur at siga frá um sjólív sítt – og frásøgumaður er hann góður. Hann hevur tó serliga fingið áheitan um at greiða frá hendingini 3. juni í 1982, tá ið hann setti Norðvíking á land sunnarlaga í Grønlandi.

Hol var komið á Norðvíking í nógvum ísi, og gjørdi skiparin av at seta skipið upp á land. Eftir at skiparin hevði sett frystifarmaskipið, Norvíking á land, og skipið var umvælt, eydnaðist teimum at fáa tað av aftur, og sigla tað til nærmasta bygdarlag ella fjørð.

Tó kom eitt eftirspæl millum føroyska skiparan og donsku myndugleikarnar í Grønlandi, sum tað hoyrdist frá víða um lond.

Hesum greiðir Jóannes Hansen frá í Sosialinum 28.01.2000 í tveimum drúgvum greinum: ”Í síðstu viku endurgóvu vit frágreiðingina, sum Tórbjørn Jacobsen, skipari og nú løgtingsmaður, gav, eftir at farmaskipið, Norðvíkingur, sum hann førdi, var komið illa fyri sunnarlaga í Grønlandi”.

Undir leiðslu av skiparanum og í illveðri megnaði maskinmeistarin, Jørmund Gaardlykke úr Lamba, at sveisa tað 120 cm langa og ein tumma breiða holið, sum lá einar 70 cm upp á banjarardekkið, aftur, soleiðis at skipið aftur kundi flóta.

Tobbi lagdur í hondjørn

Norðvíkingur varð tikin út aftur, og vit endaðu síðsta leygardag við, at teir - eftir at hava fylgst við ferðamannaskipinum Disko - í bestu líkindum, at kastaðu akker í Kungnat víkini innanfyri Arsuk.

Síðani er ein drúgv søga um hvussu sjófarsmyndugleikarnir í Grønlandi tóku siglingarloyvið frá skipinum, tí teir mettu tað ikki siglingarført.

Eftir at hava ligið í Kungnat-víkini inn á flotastøðina í Grønnedal í 10 dagar, smoygdi skiparrin sær avstað við skipinum snimma á morgni, rendi seg í mjørka og nakað av ísi, og kom tveir dagar seinni til Nuuk, fyri at fáa skipið umvælt.

Men tá stóð løgreglan fyri Tobba á kaini og legði hann í hondjørn.

Kom og hoyr søguna neyvari, betri og rúmligari sagda av Torbjørn Jacobsen í Varpinum á Torradøgum, fríggjadagin 21. februar kl. 16.00, har tú eisini kann fáa ein góðan kaffimunn.