Fernisering verður fríggjadagin 3. oktober kl. 17.

M.C. Restorff luttekur við sangi og tónleiki.
Ábit verður. Øll eru hjartaliga vælkomin.

Umframt listaverkini hjá Helenu verður eisini møguleiki at síggja fjøltáttað listaverk frá ymiskum støðum norðanfyri Polarsirkulin.

Framsýningin er opin hesar tíðir:

• 3. okt. kl. 17-20
• 4. – 5. okt. kl. 14-20
• 6. – 10. okt. kl. 15-18
• 11. – 12. okt. kl. 14-20

Helena Jensen

Helena er uppvaksin og býr í Nuuk. Hon hevur børn og barnabørn og er í dag pensionerað. Hon er útbúgvin sum lærari og hevur starvast sum lærari ymsastaðni í Grønlandi í 30 ár. Hon hevði eina kristna cafe í Nuuk saman við manni hennara í eina tíð, inntil hann bleiv sjúkur.

Hóast list altíð hevur havt hennara stóra áhuga, hevur hon ikki havt tíð at raðfesta listina, fyrr enn hon bleiv pensionerað. Helena málar bæði abstrakt, portrettir og náttúrumyndir, serliga við akryl farvum. Hon hevur áður sýnt fram í Grønlandi og hevur verið forkvinna fyri Grønlands Julemærke í fleiri ár.

Helena gjørdist kristin í 1991. Síðani tá hevur hon støðugt hildið andaktir fyri heimleysum og í fongslinum í Nuuk. Á sumri er hon umborð á føroyska trúboðaraskipinum Juvel 2, sum ferðast við gleðiboðskapinum kring Grønland. Ígjøgnum samstarv við føroyingar innan kristniboðanina í Grønlandi, hevur Helena fingið tokka til Føroyar og knýtt vinarbond við føroyska fólki.