Klaksvík er ein fantastiska ríkur býur at virka í. Vit hava nógvar fyritøkur, og eitt virkið arbeiðslív, ið vit eiga at vera sera takksom fyri. Hyggja vit at útjaðarinum í grannalondunum, síggja vit býir og bygdir, ið eru sokallaðir “sovibýir”, har íbúgvar, frítíðarlív og fyritøkur ikki megnaðu at halda áframm við virkni sínum. Hugtakið eitur "brain drain", heilafløtti, er ikki nakað, ið vit her í Norðoyggjum ynskja okkum. Vit skulu halda áfram við at verða virkin, ágrýtin og nýskapandi, soleiðis at fleiri og fleiri velja at búsetast her norðaliga í Føroyum.

Kommunan hevur sett á stovn eitt Íverksetarahús, ið skal eggja okkara borgarum at stovna virki, skapa hugskot og fáa ført hugskotinini út í lívið. Seinastu árini hevur verið minni og minni at hoyrt um íverksetan her í Klaksvík. Hetta harmar meg, tí at vit hava eina sera ríka søgu merkta av íverksetan. Lat okkum saman fáa blást nýtt lív í skapandi virkni og íverksetan aftur.   

Lat okkum mennast saman, so at vøkru orðini úr Klaksvík sanginum aftur er gerandisdagur: "Tí at Klaksvík er Norðoya móðir, hon er álit og trygd, her er menning og nørandi gróður..."

Vinarliga 

Annika M. Mellemgaard Valevni fyri Norðoya Tjóðveldisfelag