Væntandi verður nývalið skrivað út í dag, mánadagin 14. oktober, og so verður valið einaferð í november. Fleiri miðlar vænta 30. november. Orsøkin er sambært RÚV, Ríkisútvarpinum, ein stór ósemja um serliga innvandrarar, men eisini um orkupolitikk landsins.

Í dag skal Bjarni Ben møta Hallu Tómsdóttir, íslendska forsetanum. Her fer hann formliga at boða frá, at stjórnarsamgongan er fokin, og síðani verður valið formliga útskrivað. Íslendingar skuldu annars ikki á val fyrrenn komandi heyst.

Stjórnin í Íslandi hevur annars higartil verið myndað av Sjálvstæðisflokkinum, Framsóknarflokkinum og Vinstra-Græna flokkinum, ið hava verið samgongan hetta skeiðið. Bjarni Ben er formaður í Sjálvstæðisflokkinum, og hevur áður verið fíggjarmálaráðharri og uttanríkisráðharri.

Ivasamt er eisini, um stjórnarflokkarnir framhaldandi hava undirtøku í fólkinum. Nýggjastu veljarakanningarnar vísa, at Samfylkingin, sum er sosialdemokratiski flokkurin ella teirra javnaðarflokkur, hevur vaksandi undirtøku millum íslendingar.

Kelda: https://nyheder.tv2.dk/udland/2024-10-13-islands-regering-gaar-af-og-goer-klar-til-nyvalg