Opið hús
Í dag eru sjeytiár síðani Klaksvíkar Dansifelag varð stovnað.
Í gerðabókini hjá felagnum stendur, at nakrir menn tóku seg saman at stovna eitt dansifelag í Klaksvík, og kallaðu teir felagið Klaksvíkar Dansifelag. Víðari stendur í gerðabóini, ”at formálið við felagnum var at uppihalda og varðveita føroyska dansin, sum er við at fara fyri bakka”. Tí varð heitt á øll dansihuga eldri sum yngri at gerast limir.
Teir, sum skrivaðu undir vóru Ernst Petersen, Jacob Mourits Olsen, Óli Dahl, Leo Sunnberg. Hans P. Petersen, Joen M. Johannesen og Jacob Matras. Tað var Óli Dahl sum skrivaði fyrstu orðini í gerðabókina.
Í samband við sjeytiára stovningardagin verður opið í Skálanum í kvøld frá kl. 19.00 til 21.00, har m.a. ein góður drekkamunnur verður at fáa. Eisini verður farið upp á gólv.