Tróndur Sigurðsson stillar upp
Norðlýsið skilir, at Kári Johansen eisini er á listanum, umfamt Súnu Mørk og Bjørg Dam
Tað gongur fyri seg í Tórshavnar kommunu. Norðlýsið var fyrst við tíðindunum um at Tróndur Sigurðsson hevði trekt seg av listanum hjá Javnaðarflokkinum.
Norðlýsið frættir nú, at veljarar í Tórshavnar kommunu ikki nýtast at óttast, tí teir fáa høvið at greiða sína atkvøðu fyri Tróndur Sigurðsson. Krúnprinsurin í havn verður nevniligani at finna á einum borgaralista. Kári Johansen verður eftir øllum at døma eisini á listanum, eins og Bjørg Dam og Súna Mørk.
Listin er tó ikki latin inn enn. Freistin at lata listan inn er 22. oktober.
Niðanfyri síggjast atkvøðurnar sum tey fingu á seinasta býráðsvali. Tilsamans 1.610. Hetta atkvøðutal vil helst geva tvey umboð, tí á valinum seinast fekk Fólkaflokkurin 1.704 atkvøður og hevur tvey umboð.
- Tróndur Sigurðsson 882
- Kári Johansen 268
- Súna Mørk 258
- Bjørg Dam 202