Við støði í bókini, varð prátað um, at tað var nógv krút í Gunnar sum smádrongur. Hann tosaði rósandi um foreldur síni. Fátt er sum faðir, einki sum móðir. Hann smæddist ikki fyri at siga, at hann var ógvuliga góður við mammu sína, og at hann snakkar við hana í telefonini hvønn dag.

Hon hevur altíð eggja honum, trúð uppá hann, og hóast hann fór í holtur við okkurt, sum onnur hildu vera løgið, so bakkaði mamman hann altíð upp: “Tú skal nokk klára tað”!

Gunnar spældi nóg fótbólt sum ungur og kom upp í tey betru liðini. Men hann hevði onkuntíð ilt við at góðtka, at talan var um eitt liðavrik. Tí hann metti, at summir teirra vóru ov óseriøsir.

Hann fór tí heldur at svimja, og gekk honum væl har. Seinni tóka hann upp bodybuilding og fitness. Her treivst hann væl í einmansleiki.

Gunnar hevur verið við til fleiri kappingar her heima og uttanlands og klárað seg væl.

15.09.2024 skrivaði Sosialurin soleiðis:

“Gunnar Hjelm fekk silvur í DM í bodybuilding.

Gunnar Hjelm hevur luttikið í DM í bodybuilding og fitness, ið hevur verið í MCH Herning Kongrescenter.

Í finaluni í dag var Gunnar Hjelm við í flokkunum +50 og í +60. Gunnar er 59 ár og av tí t hann nærkast 60 sleppur hann við í henda seinna bólkin eisini.

Í flokkinum +60 gjørdist Gunnar nummar 2, og fekk silvur.

Í flokkinum +50 gjørdist Gunnar Hjelm nummar 4”.

Gunnar, sum nú er 60 ár hyggur afturá eitt spennandi lív – ein film, sum gekk skjótt, nú hann er 60 ár.

Hann tekur restur við avgjóðingum, sum leggja fyri framman – Vilji er lekjandi máttur, sum hann sigur!